|

Madaxwayne Mustafe Cagjar oo ka hadlay Arimo Xasaasi ah

Jigjiga ( Kalshaale ) Madaxweynaha dowlad degaanka Soomaalida Mustafe Cagjar ayaa ka hadlay arrimo dhawr ah oo ku saabsan Tulli-guuleed, Jigjiga iyo Diridhabe oo maalmihii u dambeeyay ka dhex guuxayay maskaxda shacabka dowlad degaanka Soomaalida.

Madaxweynaha ayaa ugu horreyn ka hadlay xaaladda magaalada Tulli-guuleed oo ka tirsan gobolka Faafan ee degaanka Soomaalida kuna taalla xadka uu degaanku la leeyahay Oromiya, halkaas oo warar aan la xaqiijin ay sheegayaan in shacab Soomaaliyeed ay Oromo ku waxyeeleysay, sidoo kalena Oromo ay rabto inay qaadato dhul ku yaal Tulli-guuleed, Madaxweynuhu isagoo arrinkaas beeninaya waxa uu yiri ” Dhul Tulli-Guuleed ku yaal oo ay Oromo qaadatay majiro, Isku dhac mooye xasuuq meesha ka dhacayna majirto”.

Dhinaca kale Madaxweyne Mustafe Cagjar waxa uu ka hadlay arrin kale oo ku saabsan in magaalada Diridhabe oo hadda ay wada deggan yihiin Soomaali, Oromo iyo Axmaarada la rabo in Afti loo qaado, Madaxweynuhu isagoo taa ka hadlaya waxa uu yiri ” Afti Diridhabe qowmiyad kale lagu siinayo majiro”, isagoo adkeeyay fikirka ah in Diridhabe ay ahaanayso un sida ay hadda tahay oo ah ismaamul gaar ah oo la wada deggan yahay.

Madaxweyne Mustafe Cagjar ayaa dhinaca kale ka hadlay caasimadda dowlad degaanka Soomaalida ee Jigjiga, oo dadka qaar aaminsan yihiin in qowmiyado kale la wareegi doonaan, iyagoo dadkaasi ka eegay dhinaca qawmiyadaha kale oo magaaladii kusoo badanaya, Madaxweynuhu waxa uu arrinkaas ku tilmaamay mid aan waxba ka jirin, isagoo xusay in Jigjiga aysan cid kale qaadanayn balse ay ahaanayso magaalo ay cid kasta ku noolaan karto, waa siduu hadalka u dhigay Madaxweyne Mustafe Cagjar.

Sidoo kale Madaxweyne Mustafe Cagjar waxa uu bartiisa Facebook kaga hadlay ama uu ku sheegay in talis mar dhacay oo xukunka soo hayn jiray uusan soo laabaneyn, isagoo xusay in Nidaamyada dhacay ay wakhti badan oo ilaa 10 sano ah ay ku qaadato inay fahmaan in adduunkay yaqaaneen uu tagay isla markaana uusan soo noqonayn, waa siduu hadalka u dhigay Madaxweynaha dowlad degaanka Soomaalida Mustafe Cagjar.

Isu soo duuboo hadalka Madaxweynaha ayaa kusoo beegmaya xilli maalmihii u dambeeyay ay shacabka degaanka Soomaalidu madmadow kaga jiray arrimo dhowr ah, oo intii u badnayd Madaxweynuhu uu qoraalkiisan uu Facebookga soo dhigay kaga hadlay.

Short URL: https://kalshaale.ca/?p=63299

Posted by on Jan 23 2023. Filed under FLASH, MAQAL IYO MUUQAAL, WARARKA, XULKA KALSHAALE. You can follow any responses to this entry through the RSS 2.0. You can leave a response or trackback to this entry

3 Comments for “Madaxwayne Mustafe Cagjar oo ka hadlay Arimo Xasaasi ah”

  1. Nimaan Xor aheyn
    Hadalkiisuna xor maahan

    Hadba kabo-qaad cusub ayay
    ayay dhahaan adigaa ka daacadsan
    Killerkii hore

    Markaas ayay haddana xabsiga dhigaan
    Oo EEYGII hore soo daystaan

  2. Nina Calankaa u muuqdo
    Nina Luf Lufkaa u muuqdo

  3. Dabshid
    Adigana fulaynimada, xasadnimo, nacayb iyo masayr ayaa kuu muuqdo..Run
    Nin asaga qabiil sheego lahayn oo intaas qabiil kadaba yuusaya. kkkkkkkkkkkk yaab!🙌
    Allow gun hanaga dhigin!

Leave a Reply

120x600 ad code [Inner pages]

Recently Commented