Itoobiya oo Digniintii ugu dambaysay u dirtay Suudaan iyo Jawaabta ay Bixisay

Hargeisa  ( Kalshaale ) Dowladda Itoobiya oo hadallo digniin ah u dirtay dhigeeda Sudan ayaa sheegtay in uu dulqaadkii ka dhamaaday kadib markii Sudan ay ciidamo soo dhoobtay halka ay labada dal isku hayaan.

Waxaa guuldareystay dedaalo la doonayay in xal looga gaaro xiisadda ka taagan xadka labada dal.

Xiisadda oo mudod dhan 10 sano soo jiitameysay ayaa ah mid u dhaxeysay dalalka Sudan iyo Itoobiya, waxayna salka ku heysa deegaanka beeraha qaniga ku ah ee al-Fashqa, oo katirsan qariiradda Sudan balse ay muddo deganaayeen beeraleyda Itoobiya.

Ciidamo ka kala tirsan labada dhinac ayaa laba asbuuc kahor isku dhac ku dhex maray xadka labada dal.

“Dhinaca Sudan waxay u muuqdaan inay doonayaan inay xaaladda sii huriyaan,”ayuu yiri afhayeenka wasaaradda arrimaha dibadda ee Itoobiya, Dina Mufti oo saxaafadda kula hadlay Addisababa.

Mar wax laga weydiiyay in Itoobiya ay dagaal geli doonta ayaa waxaa uu sheegay in marka hore ay wanaagsan tahay in diblomasiyadda ay shaqeyso. Wuxuu intaa ku daray in waxwalba ay dhamaad leeyihiin, isagoona ula jeeday in xallinta arrintan ee dhanka diblomaasiyadda ay tahay wax mudeysan.

Dhanka kale wasiirka warfaafinta ee Sudan, Feisal Maxamed Saleh ayaa sheegay in dalkiisa uusan dooneyn dagaal ay la galaan Itoobiya, balse ciidamadooda ay ka jawaabi doonaan waxwalba oo uga yimaadda dhanka Itoobiya.

“Waxaanu ka cabsi qabnaa in hadalada kasoo yeeraya Itoobiya ay yihiin kuwa xanaf leh oo damqaya Sudan, waxaan Itoobiya weydiisaneyna inay joojiyaan weerarka ka dhanka ah madaxbanaanida dhuleed ee Sudan iyo beeraleyda Sudan,” ayuu wasiirka warfaafinta ee Sudan u sheegay wakaaladda wararka ee Reuters.

Warbaahinta Kalshaale kala soo xidhiidh Email: kalshaale.com@gmail.com
<

Hoose Ku Qor Fikradada ( 4)

  1. C/Raxmaan says:

    Maxay sugeysaa Soomaaligalbeed , maanta maalin ay ka dhawdahay nama soomarin . Uma baahno hub iyo dabaabaad . Diiday oo kaliyaa ku filan . Ethiopia iyadii baa aabaheed la fuuqday FUUDKA .

    ” SALAAMA “

  2. Ali Zubeer says:

    Waar Xabashidu weligeed waa gardaran. Bal dhulka Alfashaqa oo ah dhul ay leedahay Sudaan bay rabaan inay u xalaaleeyaan beeralaydooda seera goyska ah.

    Abdirahman

    Waa sidaad tidhi. Laakiin meesha waxaa jooga daanyeerkii Cagjar oo aad mooddo inuu dhiigga Xabashida ku jiro.

    Si kastaba waa in wixii ka hadhay oo damiir leh sida ONLF, Itixaad iwm fursaddan timid ka faa’iidaystaan.

    Adduunyo

    Viva Soomaaliwayn
    Down all Somali traitors

    • Mo says:

      Ali Zubeer.

      Adeer salfudayd waa waxa soomaali rogay!

      Ogaden ama soomaali galbeed. waxay hoaansadeen ina ay nabad ku noolaadaan oo dadkooda ka dhisaan xagga waxbarashada, siyaasadda, dhaqaalaha , caafimaadka, waddooyinka, isgaadhsiinta, maamul wanaagga, korontada iyo biyaha. marka intaas lagu guulaysto oo aan dad nool moqonno oo siyaasadda itoobiya aan awood ku yeelanno, markaa saa laga hadli karaa aaya ka talin, gooni isu taag etc..

      sheekadii fadhiidka ahayd ee jabhadaynra qashinkaa lagu daray ee wax kale ma haysaa?

  3. C/Raxmaan says:

    @: Suldaan Cali
    ———–Asa.
    —————– Waxaa iimuuqata Ethiopia oo u kala go’day dhawr waaxood . Hadaan xirano xaduudka oo ay nagusoohamaansato waxaa iyadana ku hamaansanaya
    1) Tigre .
    2) Sudan .
    3) Jabhadda Oromada .
    4) Kuwa qaawan ( aka Gumuz etc ) oo usoo dhardoonandoona !
    5) Mooryaan kake oo usoo bililiqo doonandoonto .
    —— Hadaba inta ay Ethiopia ku mashquulsantahay arrimahaas waa inaan ka faa’iideysannaa .

    Haa , ninkii Cagjar ahaa Amxaarada ayuu CAASHAQAY , waxayba ku yiraahdaan : Waxaan kuu dooraneynaa RW Ethiopia . Waaba nin ay u mooqato BAYTUL MINGISTAHA ADIS !
    ——
    Awoowayaashii waxii ay usoodhinteen buu doonayaa inuu kula shuraakooba Abasinia .

    Maanta ayaan isku dan nahay Masar , Sudan , Tigre iyo dhamaan inta docwareemeysa Ethiopia .




Machadka Heritage oo War cusub kasoo Saaray Xiisada Doorashada iyo Arinta Gedo Iyo Hiiraan
- Jan 19, 2021
Muqdisho ( Kalshaale ) Warbixin uu soo saaray machadka daraasaadka ee Heritage ayaa waxaa ...
Masuuliyiin Caan ah oo lagu diley Qarax ka dhacay Duleedka Muqdisho
- Jan 19, 2021
Muqdisho ( Kalshaale ) Sida ay xaqiijiyeen mas’uuliyiin katirsan Maamulka Deegaanka Garaslaabey ee Duleedka ...
Duqaymihii ugu saamaynta Badnaa ee Maraykanku ka Fuliyey Gudaha Soomaaliya
- Jan 19, 2021
Muqdisho ( Kalshaale ) Ciidamada Mareykanka ayaa sanadihii lasoo dhaafay si dadban iyo mid ...
MUUQAAL: Xukuumadda Somalia “Ma jiro Ciidan Soomaaliyeed oo ka dagaalamay Gobolka Tigreega”
- Jan 19, 2021
Muqdisho ( Kalshaale ) Xukuumadda ayaa si adag u beenisay warar been abuur ah ...
Daawo : Shaqo-gelinta Xarunta Nukliyeerka ee dalka Turkiga iyo Qorshaha Cusub
- Jan 19, 2021
London ( Kalshaale ) Shaqo-gelinta Xarunta Nukliyeerka ee dalka Turkiga iyo Qorshaha Cusub