Wargays sheegay Musharax uu Turkigu taageerayo Doorashada , Maxaase ka Run ah ?

Nairobi ( Kalshaale ) Wargeyksa Africa Intelligence ayaa qoray in dowladda Turkiga ay doorashada Soomaaliya ka dhaceysa taageereyso madaxweynaha iminka talada haya ee Maxamed Cabdullaahi Farmaajo.

Sida warbixinta lagu sheegay, Turkiga ayaa waxaa taageerada Farmaajo ku wehliya dowladda Qatar oo kamid ah Dawladdaha sida wayn u taageersan Xukuumadda uu Hogaamiyo Madaxwayne Farmaajo.

Dalalka Turkiga iyo Qatar ayaa xulufo weyn ku ah siyaasadaha dalal badan, sida Libya, Yemen, Falastiin, iyo Soomaaliya.

Wargeyska ayaa intaas ku daray in dhowr taageero oo dhowaanahan ay Turkiga siinayeen dowladda Soomaaliya ay ahayd muujin awoodeed oo sare loogu qaadayo magaca dowladda.

Balse Marka laga yimaado Warbixinta Wargaysu uu Qoray Dawladda waxay caan ku tahay inaysan Faraha la gelin Siyaasadda Gudaha ee Soomaaliya, Gaar ahaan Arimaha Doorashooyinka, Waxayna la shaqeeyaan dowlad kasta oo dalka timaadaa, ayada oo la ogyahay inay si wanaagsan ula shaqeeyeen  Madaxwayne Sheikh Shariif , Madaxweyne Xasan Sheekh iyo Madaxwayne Farmaajo, muddadii ay ku xukunka hayeen.

Dawladda Turkiga ayaa Saaxiib dhow la ah Soomaaliya,  Waxayna dhinacyo kala duwan ka Caawisaa Xukuumadda Soomaaliya. Oo kamid yihiin Dib u dhiska Ciidamada,  Waxbarashada, Caafimaad iyo Adeegyadda kale ee Muhiimka ah.

Short URL: https://kalshaale.ca/?p=34434

Posted by kalshaale on Oct 17 2020. Filed under MAQAL IYO MUUQAAL, WARARKA, XULKA KALSHAALE. You can follow any responses to this entry through the RSS 2.0. You can leave a response or trackback to this entry