DAAWO: Madaxda Ruushka, Iiraan, iyo Turkiga oo Heshiis ka gaadhay Arimaha Suuriya

Ankara  ( Kalshaale ) Madaxeyaasha Ruushka, Turkiga iyo Iiraan oo Isniintii shalay kulan sadex-geesood ah ku yeeshay caasimada Turkiga ee Ankara ayaa sheegay inay ku heshiiyeen dadar gelinta xali u helida dagaalka ka socda wadanka Siiriya.

HALKAN KA DAAWO VIDEO

Qodobada ugu muhiimsan ee shirkan looga hadlayey ayaa ahaa sidii loo dhisi lahaa Guddiga Dib u qorista Dastuurka Siiriya oo ay horey isugu khilaafeen sadexdan dowladooda oo kala taageera Xukuumada Siiriya ee Bashar Al Assad iyo kooxaha mucaaridka Siiriya.

Ruushka iyo Iran oo taageera Bashar Al Assad ayaa ogolaaday in guddigan qori doona Dastuurka ay ka koobnaadaan xubno ay soo xuleen dowlada Bashar Al Assad iyo xoogaga Mucaaridka ah oo iyagu taageerada ka helaya Turkiga.

Qodobkan ayaa ah mid caqabad ku noqday inay sii socdaan shirarkii ka socday magaalada Geneva ee lagu dhex dhexaadinayey Dowlada Bashar Al Assad iyo Mucaaridka, sida uu sheegay Madaxweynaha Ruushka Putin.

Madaxweynaha Iran Rouhani ayaa dhankiisa sheegay in uu rajeenayo in doorasho guud ay ka dhacdo dalka Siiriya sanadka soo socda 2020 ama 2021.

Sadexdan dowladooda ayaa shirkoodan ahaa kii shanaad oo ay ka yeeshaan xaalada dalka Siiriya, waxay sidoo kale ku heshiiyeen in la qaboojiyo dagaalada ka socday gobalka Idlib oo ah gobalka ugu danbeeyey oo ay gacanta ku hayaan xoogaga mucaaridka, gobalkaasi ayey bishii lasoo dhaafay ee Agoosto ka dhaceen dagaalo waaweyn.

Turkiga ayaa olole xoogan ugu jira in la xasiliyo gobalada Siiriya ee saaran xadka ay dalkaasi la wadaagaan si mustaqbalka dhaw ay halkaasi xeryo uga dhisto dadka qaxootiga ah ee reer Siiriya oo culeys weyn ku haya, halka dhinaca kale ay dooneyso in ay xaduudeeda ka fogeyso xoogaga Kurdida Siiriya ee taageerada ka hela Maraykanka.

Ruushka iyo Iran ayaa iyaguna doonaya in dalka Siiriya laga saaro ciidamada Maraykanka oo gacan militari siinaya xoogaga Kurdida Waqooyiga Siiriya kuwaasi oo la dagaalamaya kooxda Daacish iyo waliba ciidamada dowlada Bashar Al Assad.

Warbaahinta Kalshaale kala soo xidhiidh Email: kalshaale.com@gmail.com
<

Hoose Ku Qor Fikradada ( 1)

  1. NuurkaNederland says:

    SAAMAYNTA MARAYKAN EE BARIGA DHEXE BAY ISKA KAASHADAAN,SUURIYANA WAA GAROONKII CIYAARRTA SIYAASADEED POLITICAL GAME.




MUUQAAL: Faadumo Siciid oo Siyaasada uga Baxday Xaaladaha ka taagan Somaliland [Daawo]
- Oct 14, 2019
Hargeisa  ( Kalshaale ) Faadumo Siciid oo kamid ah Xisbiga Wadani ayaa maanta ku dhowaaqday ...
Madaxwayne Farmaajo oo Bulshada la Wadaagay Fariin ku aadan Maalinta 14-ka Octoobar
- Oct 14, 2019
Muqdisho ( Kalshaale ) Madaxwaynaha Soomaaliya Maxamed Cabdullaahi Farmaajo  ayaa Bulshada Soomaaliyeed la wadaagay Fariin ku ...
Maraykanka oo Ciidamo Cusub usoo Diraya Soomaaliya iyo Wararkii ugu dambeeyay
- Oct 14, 2019
Muqdisho ( Kalshaale ) Dowladda Mareykanka ayaa diyaarisay ciidan cusub oo dirayo Soomaaliya si ay ...
Boorame: Sheikh Xasan Daheeye oo Si kulul uga hadlay Xafladii Kismaayo, Siciid DENI iyo Xaalada Somalia [Muuqaal]
- Oct 14, 2019
Boorame ( Kalshaale ) Sheikh Xasan Daheeye oo kamid ah Culimada Soomaaliyeed kuwooda ...
DAAWO VIDEO: Baarlamanka Puntland “Kismaayo Caleemo Saar kama dhicin, Waxay ahayd Af-lagaado Madaxda DF”
- Oct 14, 2019
Boosaaso ( Kalshaale ) XIldhibaano ka tirsan Baarlamaanka Puntland ayaa si adag uga ...

JIDKA GUUSHA - SH. DIRIR

Go to Kalshaale Online!