MUUQAAL: DF oo Baajisay Imtixaankii Dugsiyada Sare, Kadib markii Suuqa Lagu kala iibsaday iyo Waxa dhacay

Muqdisho ( Kalshaale ) Wasiirka Waxbarashada Soomaaliya C/llaahi Goodax Barre ayaa sheegay in la joojiyay Imtixaankii mideysnaa ee dowladda qaadeysay, kaasoo Saddexdii maalin ee u dambeysay ka socday Muqdisho iyo gobolada Koofureed ee dalka.

HALKAN KA DAAWO VIDEO

Wasiir Goodax ayaa qiray in la helay Su’aalaha dhamaan Lixdii maado ee la kala galay maalmaha Sabti, Axad iyo Isniin oo maanta aheyd.

Wuxuuna si rasmi ah ma aanu u sheegin cida Su’aalaha bixisay, wuxuuse carabka ku adkeeyay inay jiraan dad iyadoo Bil Ramadaan lagu guda jiro dhaqaale ka raadiyay iney iibsadaan Su’aalihii Imtixaanka ee ardeyda loo diyaariyay.

27-ka bishan ayuu tilmaamay inay dib u bilaabanayaan dhamaan maadooyinka Imtixaanka fasalka ugu dambeeya ee dugsiga Sare, isagoo sheegay in la baabi’iyay kuwii la galayay maalmahan, kuwaasoo habeen kasta dhex yaacayay baraha Bulshada.

Wasiir Goodax ayaa sheegay inay Baadhis ku wadaan dadkii Falkaasi ka dambeeyay, Wuxuuna xusay in Maxkamad lasoo taagi doonaa.

Warbaahinta Kalshaale kala soo xidhiidh Email: kalshaale.com@gmail.com
<

Hoose Ku Qor Fikradada ( 5)

  1. Land of Punt says:

    Shalay wuxuu lahaa Goodax: waa in Xamar usoo dirtaa ixtiraamka dugliga sare ardayda Puntland, Puntland maaha dal gooni ah oo xaq uma laha in shahaado bixiyaan ama ay intixaan diyaariyaan….. Hade hanti la bililiqaysto gartay ee aqoon la bililiqayso xagee laga maraa.
    Gurigaaga waa la dhici karaa laakiin aqoonta maskaxdaada ku jirta cidna kaama qaadan karto inta nooshahay……
    Nin weligiis jaamacad takhtar gelin oo dad qalaya ka waran intuu shahaado soo gatay….yaab.

  2. Cadaado says:

    Ninkaan Goodax waa daanyeer. Kheeyre iyo Farmaajo oo magacaabay isagana waa daanyeero.

    Somaliya waa meel dadka “incompetent” karti laawayaasha ah ee horboodayaan dadka masaakiinta ah ee Somaliyeed.

    Daanyeer Kheeyre, musuqmaasuq ka weeyn miyaa jirra in su’aalaha imtixaan suuqa lagu kala gatto. Markaasuu daanyeerkaas dadka uGu sheekeeyay musuqmaasuq Ayaan yareeynay amaba la dagaalanay. Daanyeer.
    Dalmida.
    God bless Somalia.

  3. Land of Punt says:

    Xamar waxay noqotay Magaalo dhalan rogmatay…
    Waa meel aduunkii iyo Somali ka jaabtay.

  4. xaange says:

    Waa alle mahadii hadii Goodax arkay waxay puntland diidanayd shalay markii uu lahaa imtixaanaadkan sidaa u dayacan oo suuqyada lagu kala iibsanayo ardada puntland haloo geeyo.Waana ku bogaadinayaa inuu qirtay in khaladaad ka jiro imtixaanaadka koonfurta soomaliya.Soomaalidu uma badna inay khaladkooda qirtaan lkn karti dheeraad ah ayuu muujiyey ee waa in ardada loo turaa oo looga gaashaantaa inaan khaladaadkani soo noqnoqon ardadana aan wakhtiga laga dhumin

  5. Dabshid says:

    Waxa la isku heystey waxey ahey hala hubiyo in caruurta la barey basic education ka.




Ururka Iskaashiga Islaamka oo sheegay Inay Jabuuti ku taageeri doonaan Kursiga ay isku hayaan Kenya
- Aug 24, 2019
Laascaanod ( Kalshaale ) Ururka Iskaashiga Islaamka OIC ayaa shaaca ka qaaday inuu ...
Muuqaal: Cali Xaraare oo Waraysi uga hadlay Xaalada Jubbaland ! [Daawo]
- Aug 24, 2019
Kismaayo ( Kalshaale ) Wariye Cali Xaraare   ayaa Barnaamij ku lafa Guray Xaalada Siyaasadeed ee ...
R/Wasaare Khayre oo Khudbad Xiiso leh ka jeediyey Muqdisho [Daawo]
- Aug 24, 2019
Muqdisho ( Kalshaale ) Ra’iisul Wasaaraha xukuumadda Soomaaliya Xasan Cali Khayre, oo soo xidhay ...
MUUQAAL: Cawaale oo ka hadlay Wuxuu kala Kulmay Boorame, Safarka Xamar iyo Jigjiga
- Aug 24, 2019
Boorame ( Kalshaale ) Cawaale oo ka hadlay Wuxuu kala Kulmay Boorame, Safarka ...
MUUQAAL: Saarkiishii kasoo goostay Somaliland & Madax ka tirsan Puntland oo Warbaahinta la hadlay ! [Daawo]
- Aug 23, 2019
Badhan ( Kalshaale ) Taliyihii Ciidamada Millateriga Somaliland ee magaalada Badhan ee Gobolka Sanaag ...

JIDKA GUUSHA - SH. DIRIR

Go to Kalshaale Online!