Jen. Yuusuf Indha Cadde “Ciidamada waxey ka gadoodeen hadalkii R/Wasaare Kheyre”

Muqdisho ( Kalshaale )  Jen. Yuusuf Maxamed Siyaad Indha Cadde ayaa ka hadlay mushaar la’aanta dhowr bil heysata Qaar kamid ah  Ciidanka xoogga dalka, taasoo sababtay inay isaga soo baxaan Saldhigyo ay ku lahaayeen Labada Shabeelle.

Isagoo ka hadlayay sababta keentay in Ciidamada inay soo baneeyaan difaacyadooda, ayuu tilmaamay inay tahay mid salka ku heysa hadalkii Ra’iisul Wasaare Xasan Cali Kheyre ee ahaa inay bixiyeen mushaarka Ciidamada.

“Dhibaatada taagan waxa waaye Ra’iisul Wasaaraha iyo Wasiir Kuxigeenka Gaashaandhiga waxey yiraahdeen Ciidanka mushaarka ayey qaataan oo wax ka maqan ma jirto, arrintaasna waa mid gef ku ah Ciidanka, Ciidankiina Guryaha ayaa laga saaray maadaama iyagoo la yiri mushaar wey qaataan aan kirada iska bixin, sidaas ayey iyagiina u soo bexeen” ayuu yiri Indha Cadde.

Waxaa uu sidoo kale sheegay inay jirto Siyaasad xumo la xiriirta tirakoobka Ciidanka iyo bixinta mushaaraadkooda, loona baahan yahay inay labadaba isla socdaan.

Askariga iyadoo xuquuqdiisa la siinayo ayaa la tira koobi karaa, waa in askarta xuquuqdooda la siiyaa goobohoodana dib loogu celiyo, Askariga inta uusan gadoodin ayaa wax walba la sixi karaa, mar haduu askariga gadoodo wey adag tahay sidii loo soo celin lahaa” ayuu hadalkiisa sii raaciyay.

Warbaahinta Kalshaale kala soo xidhiidh Email: kalshaale.com@gmail.com
<

Hoose Ku Qor Fikradada ( 8)

  1. Garqaad says:

    Hadalka dowladdu waxa waaye.
    Ciidanka dowlada hal dhinac ayaa u badan sidaas daradeed waa in mushaarka laga goyaa si ay u kala tagaan.

    Su.aashu waxaa waaye ciidanka gedo kismaayo difaaca uga jiro miyeysan hal dhinac aheyn. Mise habar yoonis iyo Reer mataan ayaa ku jiro.

    Wadankii daanyeerada iga dheh.

  2. warda says:

    Hadalka raysalwaaruhu wuxu ahaa ciidama Amison mushaharkoodi way heleen ilayn ayaa isaga ciidan u ahe

    ciidamada soomaaliyeed xisaabtaba uguma jiraan

  3. Mr BaHaL says:

    Somaliya si dhib yar u soo noqonmayso.Hadaad moodayso in Somaliya iyo dawladnimadii si dhib yar lagu soo celinayo waad qaldan tahay.

    Wixii abuurmay burburkii ka dib ayaa u baahan in la sifeeyo.Kooxaha danaha isku bahaystay ayaa u baahan in laga adkaado.Dhaqanka siyaasada ee maaanta jira ayaa u baahan in laga adkaado.

    Si loo gaadho guusha saxda ah waa in wax badan oo ka jira Somaliya laga taqaluso.
    Ciidanbaa meel ka baxay,qaraxbaa dhacay,huteelbaa la qarxiyay.Ciidanbaa gadooday,odaybaa la toogtay iyo waxaa hadaad maqasho ha yaabin.

    Wali maad maqasheen qarax ka dhacay huteel ku yaal Muqdisho oo uu ku dhintay ninkii Huteelka lahaa?

    Waa sax in ciidanka la diiwaan galiyo oo meel lagu ogaado.

    Si taasi loo gaadho waa wax badan ay dhacaan.Dadkii ku shaqaysan jiray ciidan beenta ah ayaa taasi diidan.

    Waa la gaadhi doodaan guusha.Daddaal ayaa jira.

    Meeshu maaha meel layska qayilo oo Maleeshiya qaaqaawan lagu sheego ciidan qaran kkkkkk

    Dalmida

  4. Dabshid says:

    Mr BaHal

    Warkaada waxaa ku jirtey,
    — Wali ma aragteen Hotel la qarxiyey oo ninkii lahaa ku jirey??

    1. Hotel SAXAFI waxaa ku dhintey Mulkiilihii lahaa – C/Rashiid ilqeyte, iyo Amaanduulihii Ciidamada Gen. Dhago-badan

    2. Hotel Saxafi waxaa marlabaad la qarxiyey markii laga soo laabtey Xajkii Dhawaa – Waxaa ku dhintey Wiilkii cidda u weynaa ee hotelka wadey, – Waliba asagoo Xajka ka keenay hooyadiis.

    – Meeshaas Islaan ina adeertaa ah ayaa ku nin weyday, kuna wiil weyday – miyey kaa mudantahey inaad dhahdo “” Adigaa Qarxiyey ninkaadii iyo Wiilkaadi.

    – Nin war hayo hakuu waramo ( Acc- Ali Zubeer ).

  5. Mr BaHaL says:

    Dabshid

    Aaadbaad ugu mahadsan tahay warkaa aad soo tabisay iyo su’aasha aad ka jawaabtay.

    Ilaahay ha u naxaristo.

    Aniga ayaa arintan aad isku waydiiyay.

    Bal cid kalena soo raadi.Saxafi waa arin gaar ah.Laba jeer ayaa la qarxiyay.Labadii jeerba dadkii lahaa ayaa ku dhintay.

    Wxaan uga socday ama uga danleehay in Bulshadu noqotay Bahalo u baahan in la karbaasho.

    Dalmida

  6. Mr BaHaL says:

    Dabshid

    Deee Ina Adeertay inay Oday waydo maaha.Waa inaad aduu meherisaa,lol

    Laakin mid Wacbuudhanba way helidoontaa kk

    Sacadka iyo Caydhka haysla ilaaliso.

    Dalmida

  7. Garqaad says:

    Beyle iyo mareye waa joogi jireen dadkana meysan caayi jirin ee waxa caayda keenay waa in la baraa kadibna geedkaas xididada loo sibaaaa.

    Hawiye wuxuu noqoyay. Ma libaanihii lagu libaanay.

  8. NUURKANEDERLAND says:

    GENARAL FALSO.




MUUQAAL: Qubanaha VOA oo Qodobo Xiiso Badan iyo Filim-ka ay Jilayaan Soomaalida yurub lagu soo Bandhigay
- Jun 20, 2019
Hargeisa  ( Kalshaale ) Waxaanu halkan idiinku soo gudbinaynaa Barnaamijka Qubanaha VOA oo Todobaadkan ...
MUUQAAL: Qaraxyo ka dhacay dalka SUCUUDIGA oo Caalamka laga Qariyey iyo Maraykanka oo Kashifay (Daawo)
- Jun 20, 2019
London ( Kalshaale )Qaraxyo ka dhacay Sucuudiga oo Caalamka laga qariyey iyo Maraykanka oo ...
Warbaahinta Dalka Masar oo si yaab leh Indhaha uga Qarsatay Geeridii Mursi iyo Dawladda oo diiday in la baadho
- Jun 20, 2019
London ( Kalshaale ) Dawladda Masar ayaa Qaramada Midoobay ku eedeysay inay siyaasadeeneyso geerida ...
Madaxwaynihii Faransiiska oo Maxkamad lasoo taagayo iyo waxa lagu haysto
- Jun 20, 2019
Muqdisho ( Kalshaale ) Maxkamada dalka Fransiiska ayaa Arbacadii soo saartay go’aan ah in Maxkamada ...
MUUQAAL: Telefishinadii Hargeisa laga xidhay oo Bilaabay inay soo Baahiyaan Dhaliilaha Muuse Biixi [Daawo]
- Jun 20, 2019
Laascanod ( Kalshaale ) Telefishinadii Hargeisa laga xidhay oo Bilaabay inay Baahiyaan Dhaliilaha ...

JIDKA GUUSHA - SH. DIRIR

Go to Kalshaale Online!