Go’aankii DF Somalia ku diiday Kenya Airways oo muujiyey qiimaha dowladnimo

Nairobi ( Kalshaale ) Waxaa markale dib u dhac ku yimi duullimaadyadii tooska ahaa ee ay Kenya Airways ka bilaabi lahayd magaalooyinka Muqdisho iyo Nairobi.

15-kii bishii hore ayey ahayd in si rasmi ah u bilowdaan duullimaadyada tooska ah ee Kenya Airways isaga kala goosheyso labada dal balse waxaa dib loogu dhigay bishan December shanteea, taasi oo mar kale dhici weyday.

Qodobka ugu weyn ee dib u dhigay bilowga duullimaadka diyaaradda Kenya Airways ayaa lagu sheegay in shirkadda ay u qorsheysay in Somalia uga shaqeyso diyaaradda nooceedu yahay Bombardier, oo diyaarad muddo jirtay oo aan tayo fiicneyn.

Diyaaradan ma aha mid tayadeedu sarreyso waxaana hore looga sii diiyey wadamo badan oo ay ka mid yihiin Burundi, Djibouti iyo Koonfurta Sudan, balse waxay Kenya Airways rumeysneyd in Soomaaliya aysan jirin cid ka hor-istaageysa.

Sababaha ay Kenya ku dooratay diyaaraddan aan lahayn qeybta ganacsiga “Business Class” in ay Soomaaliya u soo dirto ayaa ah qiime jabnaanteeda.

Somalia ma lahayn fayo dhawr “Quality Check” balse go’aankan ay ku diiday dowladda Soomaaliya diyaaradda noocaas ah ee bahdilka dalka ku noqon lahayn waxa uu muujiyey wanaagga dowladnimada laga dhaxlo.

Dalka waxaa la keeni jiray ama dhici karta in hadaba si hoose lagu keeno badeeco tayadooda xun tahay oo caafimaad xumo keena kara. Sidoo kalena diyaarado qaraab ah loo soo diro.

Haddii ay dowladda si buuxda u hirgaliso fayo dhawrka oo dalka burburkii oo dhan ka maqnaa, xaqiiq waxaa hagaagi doona mustaqbalka dalka, waana tallaabo mudan in lasoo dhoweeyo.


Warbaahinta Kalshaale kala soo Xidhiidh Email-ka kalshaale.com@gmail.com


Akhyaarta ra'yigiina halkan ku qora (3)

  1. Dabshid says:

    Go’aankii Dowladda Soomaaliya ku ogolaatey Ethiopia Airline oo muujiyey Qiimaha Dowladnimo.

    Afsoomaaligii waxaa xataa ku dhacey Inflation, labo Gumeyste ayaa ku tartamahayo control xag siyaasad iyo dhaqaaleba, midbaad ogolaatey aanan waliba ku laheyn hantida Soomaalidu ku leedahey Kenya, markaas ayaad ku qiimeyn iney tahey Qiimo dowladnimo.

    – Kistii yareyd waxey ku dhamaatey Amaan iyo imada daalih. Axsan Rasalwasaaraha ayaa la shaahey Dhalinyarada Beerta Nabadda.

  2. Haliye says:

    Wadamo lagama hadlin ee waxaa laga hadlay diyaarada tayadeeda waxaana u fahmay inaadan garanayn noocyada diyaaradaha iyo maqaamka first class iyo business class, aan ku fahansiiyee sheekadu waa sida daawo dhacday iyo mid aan weli dhicin, cid kasta oo daawa dhacday kuu keenta waa diidi.

  3. somalijecel says:

    @Dabshid waan ku salamayaa,waa runtaa af Somaligii waa is bedelayaa.
    Qoraalku wuxuu ku salaysan yahay in dalku dawald leeyahay oo aan diyaaraddo ankee Kenya dhexdeeda ka mamnuuc ah aan loosoo dirin Somaliya.Caqliga addoonta ayaa ah in wasiirku yahay reer hebel lacag yar haddii la siiyo uu ogolaanayo.
    Haddii Jabuuti,Brundi Soth Suden Rwanda diideen in aan diidno in ay tahay wax fiican la iskuma hayo,waliba waa astaan fiican oo ku tusaysa in ay jiri karaan kuwo ilaashanaya dadka iyo dalka sidaa ayaan u fahmay dib ugu noqo qoraalka sx.




Ku-simaha madaxweynaha Koonfur Galbeed iyo Guddiga Doorashada oo War Kasoo saaray Xaalada Baydhabo
- Dec 14, 2018
Baydhabo ( Kalshaale ) Ku-simaha madaxweynaha maamulka Koonfur Galbeed ahna guddoomiyaha Baarlamaanka Cabduqadir Shariif ...
Daawo: Dowladda Qatar oo shaacisay inay Bilaabayso dhismaha dekada Hobyo
- Dec 14, 2018
Doha  ( Kalshaale ) Wasiirka wasaaradda gaadiidka, isgaarsiinta iyo dekada dawladda Qatar, Jassim Bin ...
Xaalada Baydhabo oo kacsan iyo Xildhibaan lagu dilay , Wararkii u dambeeyay
- Dec 14, 2018
Baydhabo ( Kalshaale ) Wali xiisad ayaa ka taagan magaalada Baydhabo ee xarunta gobolka Bay ...
MUUQAAL: Cali Xaraare oo barnaamij uga hadlay Xaalada Baydhaba iyo Mukhtaar Roobow
- Dec 14, 2018
Garoowe  ( Kalshaale ) Waxaanu Halkan idiinku soo Gudbinaynaa Barnaamij  Gaar ah oo Cali ...
Daawo: Aqalka Sanatka Maraykanka oo isku raacay in Maxamed Bin-Salman uu ka dambeeyey dilkii Khashoggi (Video)
- Dec 14, 2018
London ( Kalshaale ) Xubnaha aqalka senators-ka Maraykanka ayaa u codeeyay in milatariga dalkaasi ...