Ethiopia iyo Eritrea oo dib u furanaya Safaaradihii Asmara iyo Addis Ababa

Muqdisho ( Kalshaale ) Dowladaha Ethiopia iyo Ertirea ayaa Isniinta soo socta dib u furanaya Safaaradahooda Asmara iyo Addis Ababa, taasoo qeyb ka ah xiriirka labada dal u bilowday, kaddib labaatan Sano oo dagaalo u dhaxeeyay.

Labada dal ayaa isku raacay inay dib u furaan qadadkii isgaarsiinta, ganacsiga iyo xiriirka diblomaasiyadeed.

Diyaaradda Ethiopian Airlines ayaa 18-ka bishan dib u bilaabi doonta duulimaadyadeeda muddo labaatan sano kaddib, iyadoo dadka heysta baasbaoorada labada dal ay qaadan doonaan Visaha ama dal ku galka labada dal.

Dib u heshiisiinta taariikhiga ee labada dal dhex maray ayaa sabab u noqday in dhamaan ka heshiiyaan khilaafaadkii siyaasadda iyo dhinaca milateriga ah.

Afhayeenka dowladda Ethiopia Ahmed Shide ayaa sheegay inay dib u furayaan labo waddo oo muhiim ah isku xirta Dekedaha Assab ee Koofurta Eritrea iyo Dekedda Massawa ee waqooyiga Eritrea, si Gobolka oo dhan uga faa’ido.

Sidoo kale waxaa uu sheegay in dib u furida waddooyinka isku xira Itoobiya iyo Dekedaha Eritrea aanay kaliya faa’ido ugu jirin dadka Ethiopia, balse Gobolka oo dhan uu faa’ido u yahay.

Boqolka milyan ee Itoobiya ayaa ku tiirsan Dekeda dalka yar ee deriska la ah ee Jabuuti, waxaana dhowaan Ra’iisul Wasaaraha Itoobiya uu kala hadlay dowladda Sudan, sidii u isticmaali lahaayeen dekadaha dalkaas.

Booqashadii taariikhiga aheyd ee Ra’iisul Wasaaraha Itoobiya ku tagay Asmara ayaa waxay furtay albaabo badan, iyadoo labada dal isaga soo dhowaaday si aan horay loo fileyn.

Ethiopia iyo Eritrea ayaa muddo labaatan sano u dhaxeeyay colaado iyo muran dhanka Xadka ah, waxaa sanadkii 1998 illaa 2000 u dhaxeeyay dagaalo ay ku dhinteen kumanaan ruux.


Warbaahinta Kalshaale kala soo Xidhiidh Email-ka kalshaale.com@gmail.com


Akhyaarta ra'yigiina halkan ku qora (0)




Daawo: C.wali Gaas oo kulan la qaatay Golaha deegaanka Boosaso (Muuqaal)
- Sep 24, 2018
Boosaaso ( Kalshaale)  Madaxwyanaha Puntland C.wali Gaas ayaa kulan la qaatay xubnaha cusub ee ...
Askar ka tirsan Puntland oo Bosaso lagu dilay, Warar dheeraad kasoo baxaya
- Sep 24, 2018
Boosaso ( Kalshaale ) Magaalada Bosaso ayaa la sheegayaa in lagu dilay labo askeri, ...
Daawo Video: Eng. Yariisow “Waxa Jira XILDHIBAANO doonaya inay la baxaan kuwii Axmed dawlo Muqdisho ku gubay
- Sep 24, 2018
Muqdisho ( Kalshaale)  Gudoomiyaha Gobolka Banaadir Cabdiraxmaan Cumar cismaan Yariisow ayaa Maanta waxa uu ...
Muuqaal: Cabdi Shire “Waan ka seexan Waayey Ninkii la gubay, Waa in AROOS Qaran loo sameeyo Wiilka iyo Gabadha’
- Sep 24, 2018
Muqdisho ( Kalshaale ) Xildhibaan Cabdi Shire Jaamac oo kamid ah Mudanayaasha baarlamaanka Soomaaliya ...
MUUQAAL: Xildhibaan Aamina ” Waa in maxkamad lasoo taago dadkii Dilay ee ku gubay Axmed Dowlo Xamar (Video)
- Sep 24, 2018
Muqdisho ( Kalshaale ) Xildh Aamina " Waa in maxkamad lasoo taago dadkii ka danbeeyay ...